Nanzningz Swhfan Dayoz Gawjhengz Gaiq Daih’it Singsang Doeg Vahcuengh Doxdax
Vwnz:Cwng Danhyingj、Cin Meijgyah、Sung Ciuhlinz
Doz:Loz Yungj、Fanz Yijsuij
2019 nienz 12 nyied 2 hauh ban haemh, Nanzningz Swhfan Dayoz gaiq daih’it singsang doeg Vahcuengh doxdax youq cangzgangh yaugih Suihingh louz Yenjbodingh gawjhengz. Mbat neix miz lai boux hekgviq daeuj camgya, gyoengqde dwg: Codaengj Gyauyuz Yozyen fuyencangj Loz Yiyenz，Cuengh Gun Sanghyijhi cujyin Liengz Cunhlenz，Hi fucujyin Veiz Siuhngai, fujdaujyenz Veiz Vwnzbingz daengj, lijmiz Sihda、Minzda sedonz daibyauj.
Baez doxdax neix faen miz Vahcuengh vahdoj caeuq Vahcuengh byauhcunj song cuj, miz boux ndeu gag doeg, hix miz lai vunz caez doeg.
Bingzveij yienhciengz daj faensoq baizmingz. Vueddoengh haidaeuz, fuyencangj Loz Yiyenz gangjvah, riengz gyoengq doengzhag gangj gawjhengz baez doxdax neix mizmaz muzdiz caeuq yiyi. Cieplaeng, youz duiyenz lahlahcauh vih dou diuqfoux haiciengz,
